თბილისი (GBC) - საქართველოს ბანკმა შპს „საკონდიტრო კომპანიის“ საქმიანობის გაფართოებისთის 150 000 აშშ დოლარის ინვესტიცია მოიზიდა.

₾ 1 მლნ-იანი პროექტის ფარგლებში „საკონდიტრო კომპანიას“ მალე ახალი საწარმო შეემატება და დღეში 350-400 კგ. პროდუქციის წარმოებას და შეთავაზებული საკონდიტრო ასორტიმენტის კიდევ უფრო გამრავალფეროვნებას შეძლებს.

კომპანიაში 10 დასაქმებულია. პროდუქცია იყიდება  საქართველოს ყველა რეგიონში, მათ შორის „სანდომის“ ქსელში.  

„საქართველოს ბანკი ადგილობრივი წარმოების წახალისებას აქტიურად განაგრძობს. ჩვენი ფინანსური მხარდაჭერით, შპს „საკონდიტრო კომპანია“ ფართოვდება. მეტი სამუშაო ადგილების შექმნა და ადგილობრივი ბიზნესის გაძლიერება საქართველოს ბანკის უცვლელ პრიორიტეტად რჩება. შესაბამისად, მოხარული ვართ, რომ გვაქვს შესაძლებლობა გვერდში დავუდგეთ და ჩვენი წვლილი შევიტანოთ კიდევ ერთი ბიზნესის, ამჯერად  „საკონდიტრო კომპანიის“ სამომავლო განვითარებაში“, - განაცხადა მერაბ ახვლედიანმა, საქართველოს ბანკის საცალო ბიზნესის საბანკო მომსახურების დეპარტამენტის დირექტორმა.