თბილისი (GBC) - აშშ–ის ნავთობმარაგების შემცირებისა და მსოფლიოში ნავთობმოპოვების შეზღუდვის ფონზე კიდევ ძვირდება და მიმდინარე კვირას წლის მაქსიმალური ზრდით ხურავს.

Brent-ის მარკის ნავთობის აპრილის ფიუჩერსები, თბილისის დროით 11:10 საათისთვის, 0,31%–ით არის გაძვირებული და ბარელის ფასი $59,18–ს შეადგენს.

ამერიკული მსუბუქი ნავთობი WTI 0,68%–ით გაძვირდა – $56,61–მდე ბარელზე.

ბაზრის ანალიტიკოსები აღნიშნავენ, რომ ნავთობის გაძვირებას კორონავირუსის საწინააღმდეგო ვაქცინების დანერგვა, ეკონომიკის სწრაფი აღდგენის მოლოდინები და მთავრობების ხარჯების გაზრდა განაპირობებს.

„ინვესტორები დარწმუნებული არიან, რომ ეს პანდემიის დასასრულის დასაწყისია, ვინაიდან თვალსაჩინოა, რომ ინფიცირების, ჰოსპიტალიზაციისა და ლეტალური შემთხვევების რაოდენობა იკლებს“, – აღნიშნავს Vanda Insights–ის ხელმძღვანელი ვანდანა ჰარი, რომელსაც S&P Global Platts ციტირებს.