თბილისი (GBC) - მე ძალიან მიხარია, - რესტორნებს, დაჯარიმებით დამუქრებული ეკონომიკის მინისტრი, საკვები ობიექტების 8 თებერვლის გახსნით გახარებულია. 

როგორც გპირდებოდით, რეგულაციების შემსუბუქება ეპოდვითარებაზე იყო დამოკიდებული, - ნათია თურნავამ  "აწარმოე საქართველოშის" გაფართოებაც დაანონსა, დამატებითი შემსუბუქებით. სარესტორნო და სხვა პროფილის ბიზნესის სასესხო სუბსიდირებაზე ხელმისაწვდომობა იზრდება. მინისტრმა აღნიშნა პროგრამულ ლაფსუსზეც, რომ I ეტაპზე  სუბსიდირებაზე განაცხადი 2 000 -ზე მეტმა ობიექტმა წარადგინა, მაგრამ ყველამ ვერ მიიღო. და ახალ პროგრამაში ბანკის კლიენტებთან ერთად მიკროსაფინანსო ორგანიზაციების მომხმარებელიც  ჩაერთვება.

II ეტაპის განაცხადები 8 თებერვლიდან მიიღება.  ძირითად და საბრუნავ საშუალებებზე  სუბსიდირების 80/20 თანაფარდობა  50/50 -ით იცვლება , იმის გათვალისწინებით რომ ბიზნესს ახლა საბრუნავი საშუალებები სჭირდება პირველ რიგში.

ასევე ფართოვდება  სუბსიდიის მიმღებთა კატეგორია. თუ აქამდე  2020 -ის 1 მარტამდე  გაცემულ სესხზე ვრცელდებოდა, II ეტაპისთვის 2020-ის 1 დეკემბერამდე გაცემულზეც გავრცელდება.

მინისტრმა ბენეფიციართა გაზრდაზეც განაცხადა. პროგრამაში სპორტული კომპლექსები, გასართობი ცენტრები და კერძო ბაღები ერთვება. წინასწარი ინფორმაციით, 10 ცენტრი და 50 ბაგა-ბაღი დაფინანსდება, თუმცა კვოტირებული არ არის. რაოდენობა გაიზრდება.