თბილისი (GBC) - 2021 რთულად დაიწყო, მაგრამ იმედით ვუყურებთ, - სებ-ი ბანკებს სავალუტო ბუფერებს, სესხებში დასაბანდებლად გამოუთავისუფლებს თუ არა, არჩილ გაჩეჩილაძემ (BOGG-ის CEO) არ იცის, თუმცა აცხადებს, რომ ეკონომიკისთვის, იმპულსებისთანავე, ჟანგბადის და სისხლის ოპერატიულად მიწოდებისთვის სექტორი სრულ მზად ყოფნაშია.

სპორტსმენის გულივით, რომელიც  კუნთებს რესურსს საკმარისი დოზით მიაწვდის, გული - საბანკო სექტორია, კუნთები ბიზნესი, რომელმაც უნდა ამოქაჩოს კრიზისი. გამწევ ძალად მას ტურიზმი ესახება, ყველაზე უნარიანი სექტორი, რომელმაც პანდემიამდე მშპ-ს 15%-მდე ზრდა შეძლო. ვირუსმა კი ყველაზე მეტად დააზარალა.

გაჩეჩილაძემ გადაცემა "ბიზნესპარტნიორის ოთხეულთან" სტუმრობისას განაცხადა, რომ პირველი ნაბიჯები მალე გადაიდგმება.

მისი თქმით, გარდატეხა მე-2 კვარტლის ბოლოს მე-3-ს მიჯნაზეა მოსალოდნელი, შემოდგომაზე კი უკვე ეკონომიკა გამოცოცხლდება. ისე რომ 2021-ში 4%-ზე მაღალი ზრდაც შესაძლოა  აჩვენოს.

მან პანდემიაში მსესხებლის აქტივობაზეც აღნიშნა. ამ დროისთვის მხოლოდ 10%-ს აქვს გადავადებული. 80%-მა აქტივობა შეინარჩუნა. ვინც ბინის ყიდვას გეგმავდა, ზოგს ლარში ხელფასი გაეზარდა. იპოთეკით ძირითადად პატარ-პატარა ბინებია შესყიდული, თბილისის შემოგარენში. ზოგ სეგმენტზე (სასურსათო, ფარმაცია...) ბიზნესი გაფართოვდა კიდეც.