თბილისი (GBC) - თურქეთის დედაქალაქ ანკარიდან ბაქო–თბილისი–ყარსის რკინიგზის გავლით 29 იანვარს მოსკოვის მიმართულებით გაემგზავრება პირველი საექსპორტო სატვირთო შემადგენლობა. ამის შესახებ აზერბაიჯანული სააგენტო ტრენდი თურქეთის ტრანსპორტისა და ინფრასტრუქტურის სამინისტროზე დაყრდნობით წერს. 

„საკონტეინერო მატარებელი ანკარა–მოსკოვი ადგილობრივი დროით 10:00 საათზე გაემართება. 15–ვაგონიანი შემადგენლობა 8 დღეში 4 650 კმ–ს გაივლის“, – ნათქვამია სამინისტროს მიერ გავრცელებულ ინფორმაციაში. 

იმავე 29 იანვარს ბაქო–თბილისი–ყარსის რკინიგზის გავლით შესრულდება ანკარა–სიანის რეისი. ბლოკ–მატარებელი ორი კონტინენტის გავლით მთლიანობაში 7 792 კმ–ს დაფარავს.