თბილისი (GBC) - საქართველო ფაქტორინგის რეფორმაზე მუშაობს - სამუშაო ჯგუფი ინვესტორთა საბჭოსა და EBRD-ის ხელმძღვანელობით შეიქმნა. „საქართველოს სჭირდება განახლებული კანონმდებლობა იმისთვის რომ ფაქტორინგის სერვისების მოხმარება გაიზარდოს, რაც მცირე და საშუალო ბიზნესს ალტერნატიულ დაფინანსებაზე წვდომას გაუადვილეს“, - მიიჩნევენ ინვესტორთა საბჭოს წევრები.

რეფორმაში ჩართულები არიან ფინანსთა და ეკონომიკის სამინისტროები, ეროვნულ ბანკთან ერთად.

ფაქტორინგი წარმოადგენს ფინანსურ ინსტრუმენტს, როდესაც დაფინანსების საფუძველია ფაქტორის (ბანკის) მიერ კლიენტის (გამყიდველის) დებიტორული დავალიანების შესყიდვა.

ფაქტორინგი ასევე მოიცავს გადაუხდელობის რისკის დაზღვევას.

ძირითადად, ფაქტორინგი გამოიყენება ისეთ ბიზნესსაქმიანობაში, როგორებიცაა: წარმოება, საბითუმო ვაჭრობა, დისტრიბუცია, მშენებლობა, ჯანდაცვა, ტრანსპორტირება და სხვა.

ფაქტორინგის რეფორმა შემდეგ ნაბიჯებს მოიცავს:

შეიქმენბა ფაქტორინგის სერვისების რეესტრი;

ფაქტორინგი გაიყოფა სასეხო პროდუქტისგან;

მეტად დაცული გახდება კრედიტორების უფლებები

შეიქმნება ფაქტორინგთან დაკავშირებული რისკების დაზღვევის სისტემა.