თბილისი (GBC) - 2.5- ჯერ დევალვირებული ლარი და  გაზრდილი  ვალი -  ევროპული საქართველოს, გაყოფილი გირჩის და ნაციონალური მოძრაობის ლიდერები ივანიშვილის  დანატოვარზე რუსთავი 2-ის ეთერში საუბრობენ .  ხატია დეკანოიძეს "არაფორმალური მმართველისგან" სადავეების დათმობის არ სჯერა. მისი თქმით ივანიშილი კიდევ  მოვა. მან ივანიშვილის წინა წასვლა გაიხსენა, როცა სიღარიბის დაძლევის  მენეჯმენტი დაუწუნა მაშინდელ პრემიერს გიორგი კვირიკაშვილს.

ივანიშვილის წასვლის არც ალეკო ელისაშვილს & მოქალაქეები სჯერა.  - "თუ ჩავთვლით, რომ წავიდა, უფრო პლურალისტურ ქვეყანას დატოვებს, თუმცა ბევრად უფრო ღარიბსა და უპერსპექტივოს, ვიდრე 2012 წელს ჩაიბარა".

ალექსანდრე რაქვიაშვილი (გირჩი) ბიძინა ივანიშვილის წასვლას  ფორმალურ ნაბიჯად აფასებს. ფიქრობს, რომ ის დე ფაქტო დარჩა. იაგო ხვიჩიას (გირჩი) თქმითნ კი, მმართველი პარტიის ლიდერი წასული ხშირად უნახავს, მაგრამ გრძნობდა  რომ  შორს არ იყო წასული. მაინც დანამდვილებით უჭირს თქმა,  როგორ გაგრძელდება იმ ქვეყნის მართვა, რომელიც ინსტიტუციებზე აწყობილი არ არის და სადაც  მისი თქმით, სამართლიანობის უზენაესი ქურუმი და გადაწყვეტილების მიმღები ივანიშვილია. 

ქართული ოცნების დამფუძნებლის თანაგუნდელის დავით სერგეენკოს თქმით, ამჯერად ივანიშვილი ბოლოჯერ მიდის და აღარ დაბრუნდება. ასევე დაადასტურა, რომ დარჩენა სთხოვეს, მაგრამ წასვლა ვერ გადააფიქერებინეს. 

შეგახსენებთ, ივანიშვილმა პოლიტიკიდან წასვლაზე ვრცელი წერილი  გაავრცელა.