თბილისი ( GBC) - სისტემამ გაუძლო ხარვეზებით, მაგრამ გაუძლო", - ქვეყნის მთავარმა ინფექციონისტმა პაატა იმნაძემ განაცხადა, რომ ცოტა კიდევ უნდა გავუძლოთ, რათა გარანტია გვქონდეს რომ მე-3 ტალღას გავუძლებთ.

დაავადებათა კონტროლის ცენტრის ხელმძღვანელის მოადგილის თქმით, ამასობაში ვაქცინაცია წამოგვეწევა და მშვიდად უნდა მივიდეთ ზაფხულამდე. იმნაძემ მიზნობრივი ჯგუფების ტესტირების დამაიმედებელ სტატისტიკაზე განაცხადა: 4 000  ტაქსის მძღოლია გატესტილი და 0.7%-ია მხოლოდ დადებითი. 0.9% -მდეა, აგრარული ბაზრის მოვაჭრეების შედეგებში და 1%-მდე სასულიერო პირებში ( მოიცავს ყველა კომფენსიას). სულ 1 800  პირია გატესტილი.

პაატა იმნაძეს  ვაქცინის შემოტანის ვადებზეც ჰკითხეს. ახალი არაფერი უთქვამს, აღნიშნა, რომ რაც მალე, მით უკეთესია და რომ  ვაქცინა ჯანდაცვის მსოფლიო ორგანიზაციის პრეკვალფიცირებული უნდა იყოს ან  აღიარებითი რეჟიმით შემოტანილი.

გადაწყვეტილება სიძვირის მიხედვით არ მიიღება. რაზეც მოიხმო შემოტანილი ბავშვთა  6 ვალენტიანი ვაქცინა, რომელიც ყველაძე ძვირია და საქართველოს არჩევანი სიიფის მიხედვით არ გაუკეთებია.