თბილისი (GBC) - მულტისავალუტო სესხი, ევროზე და დოლარზე ძვირია, მაგრამ ლარზე იაფი, თანაც რისკი, ლარის სესხის ანალოგიურია, 

ლარის ეფექტური კურსის ანალიზი მულტი-სავალუტო პროდუქტების ჭრილში“  იკვლევს - რამდენად არის შესაძლებელი ისეთი მულტი-სავალუტო სასესხო/საინვესტიციო პროდუქტების შემუშავება, რომელიც ლარში შემოსავლის მქონე მსესხებლისთვის ნაწილობრივ ან სრულად აზღვევს სავალუტო რისკს და ამავდროულად, მიმზიდველია, საპროცენტო განაკვეთით კუთხით.  მულტი-სავალუტო კალათა საინტერესოა ლარის ინვესტორებისთვისაც, რომელთა ფუნქციონალური ვალუტა ევრო/აშშ დოლარია. 

ემპირიული ანალიზით,   ლარში შემოსავლიანი მსესხებლებისთვის აუთვისებელი პოტენციალი არსებობს ისეთ მულტი-სავალუტო სასესხო პროდუქტებში, რომლებიც დენომინირებულია რუბლში, ლირასა და სხვა სავაჭრო პარტნიორი ქვეყნების ვალუტებში.

რაც გამომდინარეობს ლარის და სხვა ვალუტების კორელაციიდან, ასევე შერჩეულ სავალუტო კალათაზე შედარებით დაბალი საპროცენტო განაკვეთიდან.

კვლევაში გაანალიზებული სავალუტო კალათა შედგება 70% ევროს, 15% რუსული რუბლისა და 15% თურქული ლირისაგან. ამასთან, კონკრეტულ შემთხვევაში კალათის კომპოზიცია დამოკიდებულია, თუ რა სექტორში ოპერირებს მსესხებელი, როგორია მისი რისკის აპეტიტი, სესხის ვადიანობა ... პროდუქტი საინტერესოა ინვესტორებისთვისაც. ინფლაციაზე მიბმული ლარის საინვესტიციო პროდუქტები ნომინალურთან შედარებით მეტად მიმზიდველი იქნება.

პროდუქტების განვითარება დადებითად აისახება სასესხო განაკვეთებზე  და გაცვლით კურსზე. TBC კაპიტალის რეკომენდაციით, ჯობს  სხვადასხვა რისკების შეფასება-დასაზღვევად მულტი-სავალუტო მსესხებელმა, გადაწყვეტილებამდე კონსულტაცია გაიაროს.