თბილისი (GBC) - რადიო ჩვენებურის „მომავალი თაობის ბიზნესმა“ 2020 სეზონი მომავალი თაობის ბიზნესის მასპინძლობით დახურა. გადაცემას, მენეჯმენტ სისტემებზე მომუშავე BackOffice-ის დამფუძნებელი გიორგი  სამარგულიანი სტუმრობდა, რომელმაც Fintech ტექნოლოგიის შესაძლებლობებზე ისაუბრა, მათ შორის მომავლის პროექტზე, რაზეც ამ დროისთვის  კომერციული ბანკებთან და საქართველოს ეროვნულ ბანკთან (სებ) მუშაობს,  „ღია ბანკინგის“  ფარგლებში. სებ-ს უკვე გაცხადებული აქვს 2021 მარტიდან Fintech კომპანიების სისტემაში ჩართვა.

მომავლის ტექნოლოგიური პლატფორმა, ბანკის კომპანაში ინტეგრაციას ითვალისწინებს. შედეგად, ტრანზაქციას, ბანკის გავლით რამდენიმე „სამუშაო დღეში“ დამუშავება აღარ დასჭიდება და თანხა მყისიერად გადაირიცხება, ნებისმიერი საჭიროებისთვის, მათ შორის თანამშრომლისთვის განკუთვნილი ბონუსი, თუ  ჰონორარი.

ახლა „ბექოფისი“ HRM ფუნქციის დამატებაზე მუშაობს, რაც კომპანიებს მნიშვნელოვნად გაუმარტივებს ადამიანური რესურსების მენეჯმენტს. ფუნქციონალის მაღალი ეფექტიანობისთვის ჯერ კომპანიებთან აქტიური კონსულტაციების რეჟიმშია. ისმენს იდეებს და მოთხოვნებს, რომ უკეთესად მოარგოს სექტორს.

საბოლოო მიზანი არის კომპანიის განვითარების ოპტიმალური მოდელის ჩამოყალიბება, სწორ აქცენტებზე ორიენტირება, რისთვისაც  პირველი გამოწვევა იყო დრო.  პირველი ნაბიჯები ბექოფისმა სწორედ „დროის მენეჯმენტით“ დაიწყო, 2018 წლიდან, როცა ბაზარზე თავისი „რობოტებით გამოჩნდა“.

„თქვენ ვერ წარმოიდგენთ, რამდენი დრო მიაქვს რუტინას. ხშირად გვსმენია, არ მცალია, არასდროს არავის არ სცალია, თუმცა ეს ხშირად მენეჯმენტის პრობლემა კი არ არის,  სწორი ტექნოლოგიის  არარსებობაა“, - გიორგი სამარგულიანმა მსენელს ბექოფისის ოპტიმალურ გამოსავალზე მოუყვა, როგორ ავალებენ რუტინულ ნაწილს რობოტებს,  რაც მათ ყველაზე კარგად იციან. მენეჯერს კი სწორედ ის დრო უთავისუფლდება, რომელიც  არასდროს „არ არსებობს“.

და ბექოფისმა პირველი შედეგიც დადო, ტექნოლოგიური გადაწყვეტებით, საკომუნიკაციო, საფინანსო, სავაჭრო და სხვა პროფილის კომპანიის მენეჯერებს დროის 30-40% გამოუთავისუფლა. თუმცა რეკორდისთვის მუშაობას აგრძელებს.

შედეგად, მენეჯერი, დამფუძნებელი, კადრების ოფიცერი,  თუ სხვა დანიშნულების კადრი თავის საკურატორო მიმართულებაზე  მეტად კონცენტრირდა, ახალი იდეებისთვის ფიქრის დრო გაუჩნდა და შესაბამისად განვითარებაზე

„ბექ ოფისის“ უნიკალური „ბექ სერვისი“  არ უნდა აგვერიოს არც  ფრონტში და არც დისტანციურში. ეს უბრალოდ კაბინეტი და იზოლირებული სივრცე არ არის, უფრო  მეტია,  ოფისი სრული ინსტრუმენტებით. თანამშრომელი თავს მართლაც ოფისში გრძნობს,  ტელეფონი, სხვა ხელსაწყოები, რაც სჭირდება ხელთა აქვს  და მარტივად ხედავს რა ხდება მის  „ძველ ოფისში“.

ამისთვის გაერთიანდა  ბექოფისში  ჭკვიანი ხალხის გამოცდილება, ტექნოლოგიების დახმარებით.