თბილისი (GBC) - ყველაზე პოპულარული კრიპტოვალუტის ბიტკოინის კურსმა შაბათ–კვირას ისტორიული მაქსიმუმების მთელი რიგი გადალახა. ბიტკოინი რისკიანი აქტივებისადმი საყოველთაო ინტერესის ზრდისა და კრიპტოვალუტაში მსხვილი საერთაშორისო ინვესტორების შესვლის ფონზე ძვირდება.

კრიპტობირჟის CoinDesk მონაცემებით, კვირას ბიტკოინის კურსი ყველაზე მაღალ ნიშნულზე იყო და $28 343,85–ს მიაღწია. კრიპტოვალუტა შაბათიდან ძვირდება – ამ დეს ორი რეკორდი დაამყარა: $25 000 და $26 000.

ოქტომბრის შემდეგ ბიტკოინის კურსი პრაქტიკულად შეუჩერებლად იზრდება, მაგრამ $20 000–იანი ნიშნული 16 დეკემბერს გადალახა. პირველად $20 ათასიან ნიშნულს ბიტკოინი 2017 წელს მიუახლოვდა, თუმცა $19 783–ს ვერ ასცდა. ამის შემდეგ ის მნიშვნელოვნად გაუფასურდა და მისი კურსი, მაგალითად 2019 წლის დასაწყისში, სულ რაღაც $3 500–ს შეადგენდა.