თბილისი (GBC) - საბანკო სექტორს დივიდენდების გაცემა ეზღუდება, თუ კაპიტალის კოეფიციენტებს დაიცავს  მარეგულირებლის შემსუბუქებული ნორმით.  აქციონრების დაკმაყოფილებას კი შეძლებს, თუ შემსუბუქებამდე მოქმედ კოეფიცინტებზე გავა. ზედამხედველის რეგულაციების ადექვატურობაზე,  თიბისი ბანკის გენერალურ დირექტორს BM-ის ეთერში ონლაინ სტუმრობისას ჰკითხეს.

ვახტანგ ბუცხრიკიძის შეფასებით  სებ-ი სწორად მოქმედებდა, განსაკუთრებით მარტი-აპრილის პერიოდში. საბანკო სექტორის აქტივობის შენარჩუნებისთვის სებ-ის 2021 წლის გადაწყვეტილებები იქნება კრიტიკულად მნიშვნელოვანი, -  ბუცხრიკიძე კონკურენტი საქართველოს ბანკის სახელითაც საუბრობდა, თუ რამდენად მნიშვნელოვანია საჯარო კომპანიების, TBC-ის და BOGG-ის პარტნიორი ინვესტორებისთვის, დივიდენდებზე, ბანკის პოლიტიკა.

ბანკირმა ეკონომიკის მხარდაჭერისთვის  საკრედიტო აქტივობის მნიშვნელობაზე აღნიშნა, რაც თავის მხრივ დაკავშირებულია გამოთავისუფლებული კაპიტალის შევსების გრაფიკზე, ზედამხედველი 1 წელზე გაწერს თუ შესავსებად უფრო ხანგრძლივვადიან პერიოდს განსაზღვრავს.

როგორც იცით, პანდემიის გამო, სექტორს მეტი საკრედიტო რესურსის მხარდასაჭერად კაპიტალის მოთხოვნები შემცირებული აქვს,  კაპიტალის კონსერვაციის ბუფერის (რისკის მიხედვით შეწონილი აქტივების 2,5%-ის ოდენობით)  და პილარ 2-ის ბუფერის ნაწილის (არაჰეჯირებული საკრედიტო რისკის ბუფერის 2/3) გაუქმებით. ამით პოტენციური ზარალების გასანეიტრალებლად სექტორს ₾1,6 მილიარდი კაპიტალი გამოუთავისუფლდა, რაც 15 მლრდ -ზე მეტი პორტფელის შექმნის შესაძლებლობას იძლევა. და კიდევ  მინიმალური მოთხოვნებს ზევით 4 მილიარდი ლარის კაპიტალის ბუფერი რჩება, რომლის გათავისუფლების საჭიროებას H1/2020 ისთვის, სებ-ი ვერ ხედავს. 

ამას ემატება, სპეცბუფერი 3 ბანკისთვის, TBC-ის, BOGG-ის და LB-ის (უფრო ნაკლები კოეფიციენტით), რომელიც არ შემცირებულა.

თიბისის კაპიტალის ჯამური კოეფიენტი პანდიმიის შემდეგ და /პანდემიამდე/ არის 13.23% /17.48%.  საქართველოს ბანკის 13.26%  /17.13%/

ვახტანგ ბუცხრიკიძეს არ დაუკონკრეტებია, კაპიტალის შევსების  რომელი გრაფიკი  იქნება ოპტიმალური. სავარაუდოდ სისტემური ბანკების საინვესტიციო ბანკები (G&T-ი, TBC კაპიტალი) შეუთვლიან სებ-ს.

ვახტანგ ბუცხრიკიძის მოლოდინით, საბანკო სექტორი, 2022 წლამდე, პანდემიამდელ მაჩვენებელს ვერ დაუბრუნდება.