თბილისი (GBC) - ლარის ეფექტური კურსის დაახლოებით არსებულ დონეზე შენარჩუნების პირობებში, 2021 წლის პირველ ნახევარში ინფლაცია სავარაუდოდ 6%-ს გადააჭარბებს, ხოლო წლის ბოლოს 4-5%-ის ფარგლებში იქნება, - ასეთია TBC კაპიტალის მოლოდინები.

ინფლაციის ზრდაზე მოქმედ ფაქტორებს შორის სახელდება:

• გაცვლითი კურსიდან მომავალი ზეწოლა

• კომუნალური გადასახადების ზრდა

• სასაქონლო ფასების ზრდა

• 2021 წლის პირველ კვარტალში დაბალი საბაზო ეფექტი

ინფლაციის შემცირებაზე მოქმედ ფაქტორად კი დაბალი ერთობლივი მოთხოვნა სახელდება.

2020 წლის ნოემბერში წინა თვესთან შედარებით ინფლაციის დონემ საქართველოში 0.9 პროცენტი, ხოლო წლიური ინფლაციის დონემ 3.8 პროცენტი შეადგინა.