თბილისი (GBC) - TBC კაპიტალის საბაზო სცენარით, 2021 წელს 4.6%-იანი აღდგენის შემდეგ, 2022 წელს საკმაოდ მაღალი - 7.4%-იანი ზრდაა მოსალოდნელი.

„ტურისტული შემოდინებების პროგნოზი მცირედით გაუარესდა, თუმცა ნარჩუნდება მოლოდინი, რომ ვირუსის შეკავების შემდეგ საქართველოში სექტორი სწრაფად აღდგება.

ფისკალური სტიმულის 2021 წელსაც მნიშვნელოვანი დარჩება, ამასთან, სახელმწიფო ვალის მაჩვენებელიც იზრდება, თუმცა იგი მართვად დონეზე ნარჩუნდება“, - ვკითხულობთ TBC კაპიტალის მიმოხილვაში.

2021 წლის ბიუჯეტის განახლებული ვერსიის მიხედვით, ბიუჯეტის დეფიციტის მაჩვენებელი მშპ-ის 7.6%-ს შეადგენს. მშპ-თან მიმართებაში მცირედით იკლებს როგორც კაპიტალური, ასევე მიმდინარე დანახარჯები . ვალის გაზრდილი მაჩვენებლიდან გამომდინარე, საშუალოვადიან პერიოდში მოსალოდნელია დეფიციტის შემცირება 3%- იანი მაჩვენებლამდე.