თბილისი (GBC) - პრემიერობის კანდიდატმა პარლამენტში გამოსვლისას პოსტ პანდემიურ ეკონომიკაზე ისაუბრა. გიორგი გახარია ამბობს რომ მთავრობის პრიორიტეტი FDI-ის მოსაზიდად მაღალტექნოლოგიური დარგები და ლოგისტიკური სფერო იქნება.

„გლობალური კონკურენცია პოსტპანდემიურ ეკონომიკაში იქნება სრულიად სხვა. ამ კონკურენციის პირობებში ჩვენ მაქსიმალურად კარგი სასტარტო პირობები უნდა გვქონდეს. მოგვიწევს თამამი და არაორდინალური ნაბიჯების გადადგმა. Doing Business-ში კარგი პოზიციები საკმარისი აღარ იქნება. მოგვიწევს სწრაფი და არაორდინალური ნაბიჯების გადადგმა. იქნება ინდივიდუალური მიდგომა ინვესტორებთან, რათა მათ თავი კომფორტულად იგრძნონ. რაც შეეხება დარგებს - პირველ რიგში ჩვენთვის მნიშვნელოვანია ლოგისტიკა და მაღალტექნოლოგიური დარგები. მივესალმებით ინვესტიციებს სოფლის მეურნეობის დარგშიც.