თბილისი (GBC) -  პრემიერობის კანდიდატი გიორგი გახარია საყოველთაო ჯანდაცვის სისტემის რეფორმირებას აანონსებს. როგორც მან პარლამენტში განაცხადა პირველი ამოცანა მედიკამენტების ფასი შემცირება და შედეგად ე.წ. ჯიბიდან გადახდების შემცირება იქნება:

 „ჯანდაცვა ჩვენი სოციალური ცხოვრების ერთ-ერთი რთული სისტემაა. ჯანდაცვის რეფორმირება ვერ ხდება 1-2 წელიწადში. განსაკუთრებით თუ გავითვალისწინებთ თუ რა მდგომარეობა იყო 8 წლის წინ. სიცოცხლის პრობლემა იყო პრობლემა - მასზე პასუხი იყო საყოველთაო ჯანდაცვა. არც საყოველთაო ჯანდაცვაა იდეალური და მასაც რეფორმირება სჭირდება. ჯიბიდან გადახდების შემცირება ნომერ პირველი ამოცანაა. ინსტრუმენტები შესაძლოა სხვადასხვა იყოს, თუმცა შედეგი უნდა გვქონდეს ისეთი რომ ჯიბიდან გადახდები უნდა შემცირდეს. მედიკანეტებზე ფასი უნდა შემცირდეს.  უახლოეს პერიოდში ამ მიმართულებით ნაბიჯები გადაიდგმება“, - განაცხადა გახარიამ.