თბილისი (GBC) - აფხაზეთის ე.წ. „ეროვნული ბანკი“  აცხადებს, რომ თურქულმა ბანკებმა აფხაზური ეროვნული საბანკო პლასტიკური ბარათების მომსახურება დაიწყეს. მათ შორის მოხსენიებულია Is Bank-სა და Ziraat Bank-ი. ამ  თემაზე დამატებით განმარტებას ელის ეროვნული ბანკი:

Is Bank-ის ფინანსური დირექტორი, უჩა სარალიძე  აცხადებს, რომ აფხაზური მხარის გავრცელებული ინფორმაცია არაადექვატურია. ბანკმა საპროცესინგო სერვისზე  ზედამხედველს უკვე მიაწოდა ყველა დამადასტურებელი ინფორმაცია. პროცესში ჩართულია მშობელი ბანკი, რომელიც  ისევე როგორც თურქეთის რესპუბლიკა საქართველოს ტერიტორიულ მთლიანობას აღიარებს.

„ჩვენ რა თქმა უნდა გამოვითხოვეთ დამატებითი ინფორმაცია. პირველადი ინფორმაციის თანახმად ეს არ ეხება ბანკებს რომლებიც საქართველოს ტერიტორიაზე არიან ლიცენზირებული, თუცმა ჩვენ ამ ინფორმაციას დავაზუსტებთ. მეტ განმარტებას თავად ბანკებიც გააკეთებენ, თუმცა ნებისმიერ შემთხვევაში ჩვენ ყოველთვის ვმოქმედებთ არსებული კანონმდებლობის შესაბამისად.“, - ამბობს კობა გვენეტაძე.

APRA World-ის ბარათები მიღებულია : რუსეთის ფედერაციაში, ბელარუსში, უზბეკეთში, სომხეთსა და თურქეთში.