თბილისი (GBC) - ახალი სავაჭრო კვირის პირველი სესია ნავთობისთვის თითქმის 5%–იანი ვარდნით მიმდინარეობს და Brent უკვე ჩამოსცდა $50–იან ნიშნულს, ხოლო WTI – $47–ს.

თბილისის დროით 13:40 საათისთვის Brent-ის მარკის ნავთობის თებერვლის ფიუჩერსების ფასი 4,8%–ით არის შემცირებული და ბარელის ღირებულება $49,75–ს შეადგენს.

ამერიკული WTI-ს ფასი, იანვარში მიწოდების პირობით, 4,81%–იან ვარდნაშია და ბარელი $46,87 ღირს.

ექსპერტები ნავთობის ვარდნას ბრიტანეთსა და ევროპის რიგ ქვეყნებში კორონავირუსის ახალი, კიდევ უფრო აგრესიული შტამის აღმოჩენას უკავშირებენ.