თბილისი (GBC) - X მოწვევის პარლამენტი IX -ს 10 კანონპროექტიდან 2-ს განიხილავს. განათლების, მეცნიერებისა და კულტურის კომიტეტმა წინა მოწვევის პარლამენტის პროექტების ნუსხა განსაზღვრა.

1) „უმაღლესი განათლების შესახებ საქართველოს კანონში ცვლილების შეტანის თაობაზე“

2)„ზოგადი განათლების შესახებ“ საქართველოს კანონში ცვლილების შეტანის თაობაზე“.

1) -  სსიპ „განათლების ხარისხის განვითარების ეროვნული ცენტრის“ მხრიდან  სსიპ „საქართველოს შინაგან საქმეთა სამინისტროს აკადემიის“ მიერ 2007- 2008 სასწავლო წლის დაწყებამდე გაცემული დიპლომების აღიარებას ითვალისწინებს.

2) -  დაამტკიცებს ზოგადსაგანმანათლებლო დაწესებულების სამედიცინო პერსონალის საქმიანობის სტანდარტს.

აღინიშნა, რომ  განათლების, მეცნიერების, კულტურისა და სპორტის სამინისტროში  სამედიცინო პერსონალის საქმიანობის სტანდარტი შემუშავების პროცესშია.

კანონპროექტის მიხედვით, 15.09.2022 -მდე, სამინისტრომ ზოგადსაგანმანათლებლო დაწესებულებებში სამედიცინო პუნქტების ფუნქციონირება უნდა უზრუნველყოს.

კომიტეტის თავმჯდომარის თეა წულიკიანის თქმით, ცვლილება 2022-2023 სასწავლო წლისაა. შესაბამისად რეფორმისთვის საკმარისი ვადაა, რომ  2 სამინისტრომ  მე-3 -ს (ფინანსთა) ჩართულობით განახორციელოს.

„პანდემიამ ბევრი რამ დაგვანახა, თუმცა ამის საჭიროება პანდემიამდეც არსებობდა, რომ ზოგადსაგანმანათლებლო დაწესებულებებში ყოფილიყო შესაბამისი ამბულატორიული პუნქტები“, - განაცხადა თეა წულუკიანმა.