თბილისი (GBC) - ნავთობის ფასები წითელ ზონაში გადავიდა. მთელ მსოფლიოში კორონავირუსის კიდევ უფრო მზარდი გავრცელებისა და შეზღუდვების გაგრძელების ალბათობის ზრდის ფონზე ეტალონური მარკების ნავთობის ფასი მცირდება.

მიუხედავად ამისა, ნავთობის ბაზარი ზედიზედ მეშვიდე კვირას ხურავს პლუსში. ამას ხელს უწყობს აშშ–ში ეკონომიკის მასტიმულირებელი ზომების პაკეტის შეთანხმების მოლოდინი, რაც, ექსპერტების აზრით, მოკლევადიან პერსპექტივაში ნავთობზე მოთხოვნას შეინარჩუნებს, ვიდრე მასობრივად დაინერგება კორონავირუსის ვაქცინა.

Brent-ის მარკის ნავთობის ფასი ლონდონის ბირჟაზე, თბილისის დროით 10:30 საათისთვის, 0,41%–ით არის შემცირებული და ბარელი $51,29 ღირს.

ამერიკული მსუბუქი ნავთობი, ამ დროისთვის, 0,33%–ს კარგავს და ბარელის ფასი $48,2–ს შეადგენს.