თბილისი (GBC) - ხუთშაბათის ვაჭრობებზე ნავთობის ფასები ზრდას განაგრძობს და ამას ანალიტიკოსები გასულ კვირაში აშშ–ის ნავთობმარაგების შემცირებას უკავშირებენ.

ივესტორების ოპტიმიზმის საფუძველი ასევე გახდა ამერიკის ეკონომიკის საბიუჯეტო დახმარების საკითხის შეთანხმებაში მიღწეული პროგრესი.

თბილისის დროით 09:53 საათისთვის, Brent-ის მარკის ნავთობის თებერვლის ფიუჩერსები ლონდონის ბირჟაზე 1,1%–ით არის გაზრდილი და ბარელის ფასი $51,64–ს შეადგენს.

ამერიკული მსუბუქი ნავთობი WTI ამავე დროისთვის, იანვარში მიწოდების პირობით, 1,17%–ითაა გაზრდილი – $48,38–მდე ბარელზე.

MarketWatch–ის ცნობით, წინა, ოთხშაბათის სესია, ორივე კონტრაქტმა 9–თვიან მაქსიმუმზე დახურა.

The Wall Street Journal–ის ცნობით, აშშ–ის კონგრესის ლიდერები ეკონომიკის $900 მლრდ–იანი სტიმულირების პაკეტის შეთანხმებასთან ახლოს არიან.