თბილისი (GBC) - სამშაბათის მაქსიმუმის შემდეგ ნავთობი მცირედით იაფდება. ნავთობის ფასი, გუშინდელი 9–თვიანი მაქსიმუმის შემდეგ მცირედით ჩამოდის. ნავთობმა სამშაბათის სესიაც მინუსში დაიწყო, თუმცა შემდეგ კორონავირუსის საწინააღმდეგო ვაქცინებთან დაკავშირებით შექმნილმა ოპტიმიზმმა და აშშ–ის ეკონომიკის მასტიმულირებელი ახალი პაკეტის წარდგენამ მკვეთრად გაზარდა ფასები.

შედეგად, Brent-ის მარკის ნავთობის ფასი ლონდონის ბირჟაზე, თბილისის დროით 10:25 საათზე, 0,33%–ით არის შემცირებული – ბარელზე $50,59–მდე. გუშინდელ სესიაზე ამ მარკის თებერვლის ფიუჩერსები 0,9%–ით გაძვირდა – $50,76–მდე ბარელზე.

ამ დროისთვის ამერიკული მსუბუქი ნავთობის WTI ფასი0,31%–ით არის დაწეული და ერთი ბარელი $47,47 ღირს.