თბილისი (GBC) - ბაქო–თბილისი–ყარსით პირველი თურქული მატარებელი უკვე ჩინეთის საზღვარზეა

პირველი თურქული საექსპორტო მატარებელი, რომელმაც სტამბოლი 4 დეკემბერს დატოვა და შემდეგ ბაქო–თბილისი–ყარსის სარკინიგზო მაგისტრალი გაიარა, უკვე ყაზახეთ–ჩინეთის საზღვარზეა.

ამის შესახებ აზერბაიჯანული სააგენტო „რეპორტი“ „ბაქოს საერთაშორისო საზღვაო სავაჭრო პორტზე“ დაყრდნობით წერს.

საკონტეინერო მატარებელი 42 კონტეინერისგან შედგება და საყოფაცხოვრებო ტექნიკა გადააქვს. მატარებელმა, საერთო ჯამში, 8 693 კილომეტრიანი მანძილი ჩინეთის ქალაქ სიანამდე სტამბოლიდან 12 დღეში უნდა დაფაროს.