თბილისი (GBC) - OPEC-ის ახალმა პროგნოზმა ნავთობის ფასი დააგდო. ეტალონური მარკების ნავთობის ფასები სამშაბათის ვაჭრობაზე წითელ ზონაში გადავიდა მას შემდეგ, რაც OPEC-მა 2021 წლისთვის ნედლეულზე მოთხოვნის ზრდის შეფასება შეამცირა.

შედეგად, Brent-ის მარკის ნავთობის ფასი ლონდონის ბირჟაზე, თებერვალში მიწოდების პირობით, თბილისის დროით 09:55 საათისთვის, 0,58%–ით არის შემცირებული, $50–მდე ბარელზე.

WTI-ის იანვრის ფიუჩერსების ფასი ნიუ–იორკის სასაქონლო ბირჟაზე, ამ დროისთვის0,55%–ით არის დაწეული, წინა სესიის დახურვის მაჩვენებელთან შედარებით და ერთი ბარელი $46,73 ღირს.

OPEC-ის განახლებული პროგნოზის თანახმად, 2021 წელს მსოფლიოში ნავთობზე მოთხოვნა დღე–ღამეში 5,9 მლნ ბარელით გაიზრდება (წინა თვის პროგნოზზე 0,35 მლნ ბარელით ნაკლები) და დღე–ღამეში 96,89 მლნ ბარელს შეადგენს.