თბილისი (GBC) -ოქტომბერში, საქართველოში ელექტროენერგიის გენერაცია წინა წლის ანალოგიურ პერიოდთან შედარებით, 6%-ით გაიზარდა. 17%-ით გაზრდილია  ქარის ენერგიის გამომუშავება, ჰიდროგენერაცია კი პირიქით 17%-ით არის შემცირებული.

სექტემბერთან შედარებით მთლიანი გენერაცია 3%-ით არის შემცირებული. ამავე პერიოდში მნიშვნელოვნად 56%-ით გაიზარდა თბოსადგურების გამომუშავება, ხოლო სექტემბერთან შედარებით შემცირებულია როგორც ქარის სადგურების, ასევე ჰესების გამომუშავებაც.

რაც შეეხება მოხმარებას, ის 935 მლნ კილოვატ საათს შეადგენს, რაც მთლიანი ქვეყნის გენერაციაზე 84 მლნ კილოვატ საათით მეტია.

საქართველოში ელექტროენერგიის გამომუშავების 56% მოდის ჰესებზე, 43% თბოსადგურებზე, ხოლო დარჩენილი წილი კი ქარის ენერგიაზე.

ოქრომბერში ჰესების მიერ გამომუშავებული ენერგიის ყველაზე დიდი წილი ტრადიციულად ენგურსა და ვარდნილის ჰესებზე მოდიოდა. კერძოდ, 221 მლნ კილოვატ საათი.