თბილისი (GBC) - ერთ ოჯახი შემოსავლის 10%-ზე მეტს ჯანდაცვაზე ხარჯავს. G&T-ის მონაცემებით, ევროპული ოჯახები საკუთარი შემოსავლიდან სამჯერ ნაკლებ თანხას ხარჯავენ ჯანდაცვის სერვისების მისაღებად ვიდრე ეს საქართველოშია. კერძოდ, თუკი საქართველოში შემოსავლების 10.8% მიდის ჯანდაცვაზე, ევროპაში საშუალო მაჩვენებელი 3.9%-ია.

მიუხედავად იმისა რომ საყოველტაო ჯანდაცვის სისტემაზე სახელმწიფოსგან გაღებული თანხები ყოველწლიურად მზარდია, ის კვლავ ცამორჩევა ევროპის მაჩვენებელს. კერძოდ, ჩვენი ქვეყნის მშპ-ს 2.7% იხარჯება ჯანდაცვაზე, მაშინ როცა მაღალშემოსავლიან ქვეყნებში ეს მაჩვენებელი მშპ-ს 7%-ია, საშუალო შემოსავლის მქონე ქვეყნებში კი 2.8%-დან 3.2%-მდე. ამასთან, საქართველოში მსოფლიოში ერთ-ერთ ყველაზე დაბალ ნიშნულზე რჩება თითო მოსახლის მხრიდან ჯანდაცვაზე გაწეული ხარჯები.