თბილისი (GBC) - რუსეთმა აზერბაიჯანიდან ვაშლისა და ტომატის იმპორტი აკრძალა პროდუქტში მავნებლების აღმოჩენის გამო რუსეთმა აზერბაიჯანიდან ტომატისა და ვაშლის იმპორტი აკრძალა. „როსსელხოზნადზორის“ ოფიციალურ ვებგვერდზე გამოქვეყნებულ რელიზის თანახმად, გადაწყვეტილება 10 დეკემბრიდან შევა ძალაში. რუსულ უწყებაში ამბობენ, რომ 22 ოქტომბრიდან დღემდე აზერბაიჯანულ პროდუქციაში მავნებლების აღმოჩენის 17 შემთხვევაა.

„როსსელხოზნადზორში“ აცხადებენ, რომ არაერთხელ გააფრთხილეს აზერბაიჯანის შესაბამისი უწყებები დარღვევებთან დაკავშირებით, თუმცა ამას შედეგი არ გამოუღია.

აზერბაიჯანი რუსეთის ბაზარზე ტომატის ყველაზე მსხვილი მიმწოდებელია. 2019 წელს ქვეყანამ რუსეთში 172,3 ათასი ტონა ტომატი შეიტანა და პროდუქციის ჯამურმა ფასმა $189,1 მლნ შეადგინა.