თბილისი (GBC)- პირველი კრიპტოვალუტის რყევის დიაპაზონმა, შესაძლოა, $10 000 – 50 000 შეადგინოს, ხოლო მისმა კაპიტალიზაციამ – $1 ტრლნ. Bloomberg–ის ანალიტიკოსების აზრით, ბიტკოინს ახალ რეკორდებზე მშპ–სთან მიმართებალში ვალების ზრდა და მონეტების ემისიის შემცირება გაიყვანს.

ექსპერტები მიიჩნევენ, რომ $19 000–20 000–იან დიაპაზონში მიმდინარე კონსოლიდაცია, შესაძლოა, რამდენიმე თვეს გაიწელოს, თუმცა შემდეგ ზრდა გაგრძელდება. ანალიტიკოსების ოპტიმიზმის საფუძველს ფუნდამენტური ძვრები იძლევა, რომელიც არ შეინიშნებოდა 2017 წელს.

ბოლო სამი წლის განმავლობაში ბიტკოინ–ფიუჩერსებისადმი ღია ინტერესი $1 მლრდ–მდე გაიზარდა, ციფრული ოქროს დღე–ღამური ემისია 1 800–დან 900 მონეტამდე შემცირდა.

ანალიტიკოსების აზრით, ბიტკოინის $1 ტრლნ–იანი საბაზრო კაპიტალიზაცია მხოლოდ დროის საკითხია. არსებული ტემპებიდან გამომდინარე, ეს შეიძლება უკვე 2021, ან 2022 წელს მოხდეს.

ახალი სავაჭრო კვირა ბიტკოინმა $19 400 ნიშნულთან დაიწყო, თუმცა ვაჭრობის დაწყებიდან მალევე ეს მაჩვენებელი ვერ შეინარჩუნა და მცირედ მინუსში წავიდა.