თბილისი (GBC) - პარასკევის ვაჭრობის შედეგების თანახმად, ყველაზე პოპულარული კრიპტოვალუტა ბიტკოინი ზომიერად მყარება, რითაც ხანმოკლე გაიაფებით დაკარგულ პოზიციებს იბრუნებს.

CoinMarketCap–ის მონაცემებით, რომელიც 20–ზე მეტ ბირჟაზე დაკვირვებით ადგენს საშუალო კურსს, თბილისის დროით 09:39 საათისთვის ბიტკოინი 1,33%–ით იყო გაძვირებული და მისი ფასი $19 294–ს შეადგენდა.

კრიპტოვალუტების გლობალური ბაზრის 62,4%–იანი წილი ბიტკოინს უკავია.

ორშაბათს, 30 ნოემბერს, ბიტკოინი აქტიურ ზრდაში იყო და მისმა ფასმა $19 694–ს მიაღწია. სამშაბათი და ოთხშაბათი პოპულარულმა კრიპტოვალუტამ წითელ ზონაში გაატარა.