თბილისი (GBC) - „შუხმან ვაინს ჯორჯიას“ შემოსავლები 20 %-ით შეუმცირდა. 15 %-იანი კლება აქვს ღვინის ექსპორტშიც. კომპანიის გენერალური დირექტრის ნუცა აბრამიშვილის ინფორმაციით, 50 %-ით არის შემცირებული თელავის რაიონში სოფელ კისის ხევში მდებარე მათი სასტუმროს დატვირთულობაც.

აბრამიშვილის თქმით. პანდემიამდელი პერიოდისგან განსხვავებით ვიზიტორების 100 % ადგილობრივი, კერძოდ საქართველოს მოქალაქეები არიან და უცხოელი ტურისტების მიღების პერსპექტივა პანდემიის გამო ჯერ არ ჩანს.

6 მლნ.ევროს საწყისი კაპიტალით კომპანია ბაზარზე 2009 წელს გამოჩნდა და ყოველწლიურად 1.5 მლნ ბოთლ ღვინოს აწარმოებს. ექსპორტ მსოფლიოს 95 ქვეყანაში ახორციელებს და ახალი ბაზრების ათვისებას პანდემიის გამო არ გეგმავს.

მიმდინარე წლის 9 თვეში ღვინის ექსპორტმა საქართველოდან  163 მლნ. ფოლარი შეადგინა,რაც გასული წლია ანალოგიური პერიოდის მაჩვენებელზე 6 %-ით ნაკლებია.