თბილისი (GBC) საკოორდინაციო საბჭომ ოთხშაბათის სხდომაზე 28/11/20 - 31.01.2021 პერიოდში ყოველდღიურად 20 000 ტესტის ჩატარება გადაწყვიტა. გაფართოვდება ანტიგენზე დამყარებული ტესტების გამოყენება, რომლის პასუხის მიღება, დაახლოებით, 20 წუთის განმავლობაში იქნება შესაძლებელი.

პრემიერის მოლოდინით, ინტენსიური ტექტირება ხელს შეუწყობს მეტი ინფიცირებულის იდენტიფიცირებას, რაც თავის მხრივ, შეანელებს ვირუსის გავრცელებას.

ამასთან, საქართველოს მოქალაქეებისთვის იცვლება ქვეყანაში შემოსვლის რეჟიმი. შემოსული მოქალაქე PCR ტესტის უარყოფითი პასუხით, აღარ გადავა სავალდებულო საკარანტინო სასტუმროში,  მოუწევს 12 დღიანი  თვითიზოლაცია. 

72 სთ-ის განმავლობაში ჩატარებული PCR ტესტის უარყოფით პასუხის შემთხვევაში, თვითიზოლაცია 8 დღიანია. ვისაც იზოლაციის შესაძლებლობა არ აქვს,  სახელწმიფო იზრუნებს,. 

სხდომაზე ვაქცინაციის ეტაპის მოსამზადებელი სამუშაოებიც განიხილეს. დაავადებათა კონტროლისა და საზოგადოებრივი ჯანმრთელობის ეროვნული ცენტრის ხელმძღვანელმა ამირან გამყრელიძის ინფორმაციით, აქტიურად მუშაობენ COVAX პლატფორმასთან. მოლაპარაკებებია ინდივიდუალურ მწარმოებლებთანაც, საგარეო საქმეთა სამინისტროსა და საზღვარგარეთ საქართველოს დიპლომატიური მისიების მონაწილეობით.  

თებერვლიდან ქვეყანაში 143 376  ლაბორატორიულად დადასტურებული შემთხვევა გამოვლინდა, საიდანაც 121 621 პირი გამოჯანმრთელდა. გარდაცვლილია 1342.

ამ ეტაპზე კარანტინში იმყოფება 1980 ადამიანი, კოვიდ-სასტუმროებში - 3798 მოქალაქე, ხოლო სტაციონარში, მეთვალყურეობის ქვეშ - 6397 პირი.