თბილისი (GBC) - ეტალონური მარკების ნავთობის ფასი კვირის პირველ სესიას მკვეთრი ვარდნით იწყებენ. ბაზარი OPEC-ის სამიტის მოლოდინშია, რომელზეც კარტელის წევრი ქვეყნების მინისტრებმა უნდა გადაწყვიტონ, გააგრძელებენ თუ არა ნავთობმოპოვების მოცულობების შეზღუდვაზე მანამდე მიღწეულ შეთანხმებას. OPEC-ის წევრი და არაწევრი ქვეყნების სამიტი, მინისტრების დონეზე, სამშაბათს, 1 დეკემბერს გაიმართება.

ლონდონის ბირჟაზე Brent-ის მარკის ნავთობის ფასი, თბილისის დროით 10:51 საათზე, 2,2%–ით არის შემცირებული და ბარელის ფასი, იანვარში მიწოდების პირობით, $47,19–ს შეადგენს.

ამერიკული მსუბუქი ნავთობი WTI ამ დროისთვის ასევე მკვეთრად, 2,02%–ით არის გაიაფებული და ბარელი $44,6 ნიშნულზე ივაჭრება.