თბილისი (GBC) - 10 სექტემბრამდე კარგად მივდიოდით, 3 000 - 4 000-ს არ ვვარაუდობდით, - დაავადებათა კონტროლის ცენტრის ხელმძღვანელმა ამირან გამყრელიძემ საგანგაშო სტატისტიკით საქართველოს "დაწინაურებაზე" TV ფორმულაზე განაცხადა. ქვეყნის მთავარმა ექიმმა აღნიშნა, რომ დღეში ინფიცირებულთა 4 000-მდე ზრდის მოლოდინი მხოლოდ ოქტომბერში გაჩნდა.

გაიხსენა გაზაფხული, როცა ნოემბრის საიმედო პროგნოზს აკეთებდა და საშემოდგომო არჩევნებიც საფრთხის შემცველად არ ეჩვენებოდა. მაშინდელი პროგნოზით, ქვეყანაში სწავლა უკვე 1 თვის განახლებული უნდა იყოს და პანდემია მილეული.

ამირან გამყრელიძემ, არჩევნების გადავადების მიზანშეწონილობაზე, საკოოორდინაციო საბჭოსთვის მიცემული რეკომენდაციის გამჟღავნებისგან თავი შეიკავა. მისი თქმით, ნებისმიერი რეკომენდაცია საბჭოსთვისაა და არა გარეთ გამოსატანი. თან ეს უკვე წარსულია და მიაჩბნია, ახლა პოზიციების აცდენის დრო არ არის, რადგან რთული პერიოდია სამართავი.

აღნიშნა რომ ქვეყანაში ინფექციის დამარცხების პირველი ილუზიები ზაფხულში გაჩნდა, როცა ყველა გათამამადა, რაც პანდემიის მასშტაბის ზრდის ერთ-ერთ მიზეზად მიაჩნია, პრემიერისგან და კოლეგა იმნაძისგან განსხვავებით. ისინი covid-ის მთავარ გამავრცელებლად პოლიტიკურ პროცესებს ასახალებენ.

გამყრელიძემ აღნიშნა, რომ ვირუსის ზაფხულში განელების მოლოდინიც იყო, რადგან covid-ი რესპირაციულ ვურუსთა ჯგუფს განეკუთვნება, რომელიც ზაფხულში ისვენებს, ხოლმე, მაგრამ სიკვდიალიანობით პირველ ადგილზეა და არსებობის 1-წლიან პერიოდის ინფიცირებულთა რაოდენობით, მხოლოსდ ტუბერკულოზს ჩამორჩება.