თბილისი (GBC) - ბანკები იმედოვნებენ, რომ პანდემიის პირველ ტალღაში სებ-ის რეგულაციით შექმნილი დამატებითი "ბუფერის" გამორეზერვება გახდება შესაძლებელი. ბანკების ლობისტს ალექსანდრე ძნელაძეს დიდი იმედი აქვს, რომ Q1/2021 -ში ნამეტი რეზერვი გამოთავისუფლდება. მისი განმარტებით, რეზერვი არის ხარჯიანი რესურსი და არ უნდა აგვერიოს ბუფერში, რომელსაც სხვა დატვირთვა აქვს.

სწორედ ბუფერი - დამატებითი რეზერვი იყო გაზაფხულზე ყველა ბანკი ზარალზე რომ გაიყვანა და 15 -დან 11 ბანკი 1 ნოემბრისთვის ჯერ კიდევ ზარალზე რჩება.

სებ-ის ოთხშაბათის ფსკ-ის დოკუმენტით მოვლენების საბაზო სცენარით განვითარების დაშვებით, რაც 2020-ში ეკონომიკური აქტივობის 5%-ით შემცირებას და ტურისტული ნაკადის 2021 წლის მე-2 ნახევრიდან აღდგენას ითვალისწინებს, ზედამხედველი გამოთავისუფლებული კაპიტალის ბუფერების ეტაპობრივად შევსების თარიღებს 2021 წელს გამოაცხადებს. , რის შემდეგაც საბანკო სექტორს საკმარისი დრო მიეცემა ბუფერების თავიდან დასაგროვებლად (სებ-მა რეგულაცია, გაზაფხულზე, პანდემიის გამო შეამსუბუქა).

ფსკ-ს შეფასებით, დაკრედიტება 11.5% ზრდას ინარჩუნებს (კურსის ეფექტის გამორიცხვით). პორტფელი/მშპ-სთან გრძელვადიან ტრენდს აჭარბებს, რაც წინა პერიოდის მაღალი საკრედიტო ზრდისა და გაცვლითი კურსის ეფექტს ასახავს. გაზრდილი გეპი ვალის ტვირთის და მოწყვლადობის ზრდაზე მიუთითებს, განსაკუთრებით ბიზნესსექტორში.

სებ-ი წელს საკრედიტო პორტფელის ზრდის 10% ნიშნულზე შენარჩუნებას ვარაუდობს. ეროვნული ბანკი კონტრციკლური ბუფერის მოთხოვნას კვლავ არ შემოიღებს.