თბილისი (GBC) -ბიტკოინმა $18 500 ზღვარი ვერ შეინარჩუნა, რიპლი 30%–ით აფრინდა. ბიტკოინი სამშაბათის ვაჭრობებზე მინუსში მიდის. თბილისის დროით 10:50 საათისთვის პირველი კრიპტოვალუტის ფასი $18 310–ს შეადგენდა. ამასთან, CoinMarketCap-ის მონაცემებით, ბოლო დღე–ღამეში ბიტკოინმა $18 500–იანი ნიშნული გადალახა და ერთ მომენტში $18 700–საც კი მიაღწია.

ამასობაში, მკვეთრი – 30%–იანი ზრდა აჩვენა რიპლმა, რომლის ფასმა სამშაბათს დილით $0,65865–ს მიაღწია.

მკვეთრად გაიზარდა ასევე რიპლის წილი კრიპტოვალუტების საერთო კაპიტალიზაციაში და მასზე 5,24% მოდის.