თბილისი (GBC) - კორონავირუსის პანდემიის გამო, მსოფლიო ვალის მოცულობა წლის ბოლომდე ისტორიულ რეკორდს მოხსნის და $277 ტრილიონამდე გაიზრდება (გლობალური მშპ–ის 365%). ასეთი პროგნოზი Institute of International Finance–ის ანგარიშშია მოცემული.

გასული წლის ბოლოდან ვალის მოცულობა $15 ტრილიონით არის გაზრდილი. პროგნოზების თანახმად, არასაფინანსო სექტორის ვალები მიმდინარე წელს $210 ტრილიონს მიაღწევს, ნაცვლად 2019 წლის $194 ტრილიონისა. განვითარებადი ქვეყნების ვალი მათი ჯამური მშპ–ის 210%–ს შეადგენს.

ვალის გაზრდის მიზეზად ექსპერტები ქვეყნებისა და კორპორაციების მიერ სესხების აღების გახშირებასა და დაბალ საპროცენტო განაკვეთებს ასახელებენ. ამაში კი ეკონომისტები დეფოლტის რისკებს ხედავენ.

საქართველოს ფინანსთა სამინისტროს მონაცემებით, ქვეყნის საგარეო ვალი, 31 ოქტომბრის მდგომარეობით, $6,99 მლრდს აღემატება (22 602 557 000 ლარი). ეს მაჩვენებელი $1,32 მლრდ–ით აღემეტება 2020 წლის 31 იანვრის მდგომარეობით დაფიქსირებულ ანალოგიურ მაჩვენებელს ($5,67 მლრდ).