თბილისი (GBC) -  გირჩის ლიდერის ზურა ჯაფარიძის დასკვნით, ევროკავშირის ელჩის რეზიდენციაში შეხვედრაზე პარტიების მიწვევის მიზანი სავარაუდოდ არის ევროპელი და ამერიკელი დიპლომატების მცდელობა, ოპოზიცია-პოზიციის მომზადების, მე-3 რაუნდისთვის, რომ უშედეგოდ აღარ დასრულდეს.

ჯაფარიძემ   თავი შეიკავა კომენტარისგან, გავრცელებულ სხვადასხვა ვერსიაზე, რომ თითქოს შესაბამისი ცვლილებებით მე-9 მოწვევის პარლამენტის უფლებამოსილება უნდა გაგრძელდეს ან ოპოზიცია, არაღიარებული საარჩევნო შედეგების მიუხედავად  საკანონმდებლო ორგანოში შევიდეს, ცესკოს რეფორმირებისთვის. არც იმაზე, მოიაზრება თუ არა  განმეორებითი არჩევნები. 

მისი თქმით, მომავალი ნაბიჯები განისაზღვრება მხოლოდ უმრავლესობასთან  ფასილიტატორი ელჩების შეხვედრის შემდეგ, რაც  მისი ვარაუდით ელჩებსაც გადაწყვეტილი აქვთ. აღნიშნა, რომ გონივრული კომპრომისისთვის ოპოზიციამ კეთილი ნება უკვე გამოხატა ახლა ჯერი პოზიციაზეა. 

ლელოს  ლიდერმა ბადრი ჯაფარიძემ კი უმრავლესობასთან ოპოზიციის ერთად მუშაობაზე განაცხადა, კრიზისიდან გამოსასვლელად. თქვა, რომ შეთანხმება ერთ-ერთი მხარის დამარცხებად არ უნდა აღიქმებოდეს თუ მიზანი ყველას გამარჯვებაა. არც მას დაუკონკრეტებია, პარლამენტში აპირებენ უმრავლესობასთან თანამშრომლობას, თუ ქუჩიდან.