თბილისი (GBC) - ბიტკოინის ფასი იზრდება. ორშაბათს თბილისის დროით 10:35 საათისთვის ყველაზე პოპულარული კრიპტოვალუტის ფასი 1,45%–ით,  $16 195,64  იყო მომატებული .

CoinMarketCap-ის მონაცემებით, რომელიც ოცზე მეტ ბირჟაზე დაკვირვებით ადგენს ბიტკოინის საშუალო კურსს, უქმეებზე ის $16 000–იან ფსკერს მიუახლოვდა.

ამასობაში, აშშ–ის ახალი სენატორი და ბიტკოინის მომხრე სინტია ლამისი გეგმავს, საერთო ეროვნულ დონეზე გაიტანოს ყველაზე პოპულარული კრიპტოვალუტის საკითხის განხილვა. ამის შესახებ პოლიტიკოსმა ტელეკომპანიასთან ABC News ინტერვიუში განაცხადა.

ლამისი აშშ–ის საკანონმდებლო ორგანოში ვაიომინგის შტატიდან შევიდა, სადაც მანამდე მთავარი ხაზინადარი იყო. სენატორი ამბობს, რომ ყოველთვის ცდილობდა დანაზოგის გასაკეთებლად შესაძლებლობებს და ბიტკოინი ყველაზე კარგი გამოსავალია საამისოდ.

სენატორის თქმით, დოლარი, კრიპტოვალუტისგან განსხვავეებით, ინფლაციას ექვემდებარება.

„21 მლნ ბიტკოინი გამომუშავდება და მორჩა, ამით დასრულდება, ეს შეზღუდული ემისიაა. ამიტომ, დარწმუნებული ვარ, ის დიდი ხნის განმავლობაში შენარჩუნდება დაბანდების საუკეთესო შესაძლებლობად“, – განაცხადა ლამისმა.