თბილისი (GBC) - ბიტკოინი პარასკევის, 13 ნოემბრის ვაჭრობებზე იზრდება. თბილისის დროით 10:40 საათისთვის, CoinMarketCap-ის მონაცემებით, ყველაზე პოპულარული კრიპტოვალუტა $16 311,08 ღირდა (+3,59%).

ბიტკოინის კურსი ამ ნიშნულზე ბოლოს 2018 წლის დასაწყისში ფიქსირდებოდა.

კრიპტობაზრის ანალიტიკოსების თქმით, მიმდინარე კვირაში ეტალონურ კრიპტოვალუტას $16 000–იანი ნიშნულის გარღვევის რამდენიმე მცდელობა ჰქონდა და სამუშაო კვირის მიწურულს მისმა ზრდამ 4% შეადგინა.

მათივე აზრით, თუ ბიტკოინი კვირის სესიებს 16 000–იან ნიშნულს ზემოთ დახურავს, და მითუმეტეს, თუ $17 000–საც მიუახლოვდება, დიდია ალბათობა, რომ მან ისტორიული მაქსიმუმის – $20 000–ისთვის გააგრძელოს მარათონი.