თბილისი (GBC) - კოვიდ პანდემია და გადაადგილებაზე დაწესებული შეზღუდვები ( 22 სათ დან 05 სთ)  „კულას“ საწარმოო პროცესის გაფართოების საშუალებას არ აძლევს.  „კულას“ დირექტორის ივანე გოგლიძის განცხადებით, პანდემიის პერიოდში როგორც ყველა საწარმოს, მათაც პრობლემები შეექმნათ.

„მოკლე სამუშაო დღის გამო ტრანსპორტი არ მუშაობს, შესაბამისად,  საწარმოო პროცესის შემცირება მოგვიხდა, თუმცა ამას რაიმე განსაკუთრებული პრობლემა არ შეუქმნია“, აცხადებს საკონსერვო ქარხნის დირექტორი.

„კულას“ პროდუქციის ( ჯემი, საწებელი,წვენი, ხილის და ბოსტნეული კონსერვი) 60%  ექსპორტზე გადის. მთავარი მომხმარებელია გერმანია ( 35 %), აშშ ( 17 %) და  რუსეთი ( 10 %).

„კულაში“  300 კაცია  დასაქმებული და წელიწადში 6 -7 მილიონ პირობით ერთეულ პროდუქციას აწარმოებს.