თბილისი (GBC) - აშშ–ის ენერგეტიკის სამინისტროს მოლოდინით, წლის ბოლომდე Brent-ის მარკის ნავთობის ფასი $40–იან ნიშნულზე შენარჩუნდება. უწყების ენერგეტიკული ინფორმაციის სამმართველოს ანგარიშში აღნიშნულია, რომ 2021 წელს აღნიშნული მარკის ნავთობის საშუალო ფასი ბარელზე $47–ს მიაღწევს.

ამასობაში, აშშ–ში ნავთობმარაგების შემცირების შესახებ ინფორმაციის გავრცელების ფონზე ეტალონური მარკების ნავთობი პლუსში მიდის. ოთხშაბათის ვაჭრობებზე Brent-ის მარკის ნავთობის იანვრის ფიუჩერსები, თბილისის დროით 11:10 საათისთვის, 1,93%–ით არის გაზრდილი და ბარელზე$44,46–ს შეადგენს.

ამერიკული მსუბუქი ნავთობის ფასი ამ დროისთვის 1,98%–ით არის გაზრდილი და ბარელი WTI $42,28 ღირს.

ბოლო ორ სესიაზე ნავთობის ფასი 11%–ით არის გაზრდილი, რასაც ანალიტიკოსები აშშ–ის საპრეზიდენტო არჩევნებში დემოკრატი ჯო ბაიდენის გამარჯვებას და ამერიკული და გერმანული კომპანიების მიერ კორონავირუსის საწინააღმდეგო ვაქცინის წარმატებულ ცდებს უკავშირებენ.