თბილისი (GBC) - ევროპის რეკონსტრუქციისა და განვითარების ბანკის (EBRD) კავკასიის რეგიონის 2020-21 გარდამავალი პერიოდის ანგარიშში სტრუქტურული რეფორმების განვითარებაზე და საქართველოს ეროვნულმა ბანკის (სებ) მიერ განხორციელებულ ცვლილებებზეა საუბარი.

კერძოდ, EBRD-ის განცხადებით, სებ-მა გააძლიერა თავისი მარეგულირებელი ძალა. გასული წლის განმავლობაში სებ-მა შეცვალა სამომხმარებლო დაკრედიტების წესები, ბანკებისთვის უფრო მეტი დისკრეციული უფლებამოსილების მისაცემად და გააძლიერა თავისი გამჭვირვალობა და კომუნიკაცია.

EBRD-ის თქმით, 2019 წლის დეკემბერში დამტკიცებული ბანკების აღდგენის ჩარჩო რეზოლუცია აძლიერებს საქართველოს ფინანსურ გამძლეობას.

დადგენილების ჩარჩო ბანკის ლიკვიდაციის ალტერნატივას წარმოადგენს, რომელიც გამოყენებული უნდა იქნას იმ შემთხვევებში, როდესაც ლიკვიდაცია მნიშვნელოვან რისკებს გამოიწვევს ფინანსური სისტემის სტაბილურობისთვის. ჩარჩო ძალაში 2020 წლის ბოლოსთვის შევა.

2018 წლის ბოლოს მიღებული სამომხმარებლო სესხების შესახებ დებულება შეცვალეს, რათა წესებზე დაფუძნებული მიდგომა პრინციპებზე დაფუძნებული მიდგომით შეეცვალათ, რაც ბანკებს რისკების სამართავად უფრო მეტ თავისუფლებას აძლევს.

ცვლილებები მოიცავს მსესხებლის შემოსავლის განსაზღვრის წესის დერეგულირებას, თუმცა შემოსავლის შემოწმების ვალდებულების შენარჩუნებასთან ერთად, ბანკებსა და მიკროსაფინანსო ორგანიზაციებში, სამომხმარებლო სესხების რისკის მართვის მოთხოვნების დანერგვას, გადასახადის შემოსავალთან დადგენილი ლიმიტების რაოდენობის შემცირებას, და ადგილობრივ ვალუტაში იპოთეკური სესხებისთვის ვადის გაზრდას.

მთავრობის მიერ განხორციელებულ ღონისძიებებთან ერთად, Covi19-ის საპასუხოდ და ეკონომიკის დასახმარებმად, EBRD-ის თქმით, სებ-მა შეამცირა კაპიტალის და ლიკვიდურობის მოთხოვნები, შეამსუბუქა მარეგულირებელი მოთხოვნები სესხის რესტრუქტურიზაციისა და შეამსუბუქა მონეტარული პოლიტიკა, დაბალი ინფლაციური ზეწოლის ფონზე.

EBRD-ის პროგნოზით, 2020 წელს ინფლაცია 5.3% იქნება.