თბილისი (GBC) ყველაზე პოპულარული კრიპტოვალუტის, ბიტკოინის ფასი პარასკევს დილით მკვეთრად, საშუალოდ 10%–ით იზრდება. ვაჭრობის მონაცემების თანახმად, მისი ფასი $16 000–იან ნიშნულს უახლოვდება.

ბიტკოინმა $16 000–იანი ნიშნული ბოლოს 2018 წლის 8 იანვარს გადალახა.

CoinMarketCap-ის მონაცემებით, რომელიც 20–ზე მეტ ბირჟაზე დაკვირვებით ადგენს ბიტკოინის საშუალო კურსს, თბილისის დროით 9:47 საათისთვის პოპულარული კრიპტოვალუტის კაპიტალიზაცია 10%–ით იყო გაზრდილი $15 704–მდე. ბიტკოინის წილი კრიპტოვალუტების გლობალურ ბაზარზე 65,5%–მდე გაიზარდა.