თბილისი (GBC) - საქართველოს ეროვნული ვალუტა კვირის ბოლო სესიაზე Bloomberg-ის სავაჭრო პლატფორმაზე, თბილისის დროით 11:41 საათისთვის, 1,39%–ით არის გამყარებული.

ამ დროისთვის 1 აშშ დოლარი 3,3575 ლარი ღირს.

ხუთშაბათის სესია ლარმა მკვეთრი ვარდნით დახურა და 1 აშშ დოლარის ფასმა 3,4050–ს მიაღწია.

პარასკევს, 6 ნოემბერს, ლარის ოფიციალური გაცვლითი კურსი დოლართან მიმართებაში 3.4000–ს შეადგენს, რაც 0,0425 ლარით აღემატება მიმდინარე საბირჟო კურსს.