თბილისი (GBC) - ხუთშაბათის აზიურ ვაჭრობებზე ამერიკული მსუბუქი ნავთობის WTI ფიუჩერსების კოტირებები მინუსში წავიდა. ნიუ–იორკის სასაქონლო ბირდაზე ამ მარკის ნავთობის ფასი, დეკემბერში მიწოდების პირობით, თბილისის დროით 7:30 საათზე 0,29%–ით იყო შემცირებული და  $37,28–ს შეადგენდა.

აშშ დოლარის ინდექსის ფიუჩერსი, რომელიც ექვსი ძირითადი ვალუტის კალათისადმი მის კურსს აჩვენებს, 0,05%–ით არის შემცირებული  $93,455–მდე.

რაც შეეხება ლონდონის ბირჟას ICE, აქ Brent-ის მარკის ნავთობი $40–იან ნიშნულს ჩამოსცდა. გუშინდელი მკვეთრი ვარდნის შემდეგ ამ მარკის ნავთობის იანვრის ფიუჩერსები მცირედით იზრდება და თბილისის დროით 9:42 საათისთვის ბარელი $39,7 ღირს (+0,15%). 

Brent–ისა და WTI–ს კონტრაქტების ღირებულებებს შორის სხვაობა ამ დროისთვის $2,2–ს შეადგენს.