თბილისი (GBC)  - 2020 წლის თებერვალ-მარტთან  პერიოდთან შედარებით, ხელფასის მიმღებთა პროცენტულად ყველაზე მკვეთრი შემცირება გართობის და HORECA სექტორებში შეინიშნება, თუმცა რაოდნეობრივად ყველაზე მეტად ვაჭრობის სექტორია შემცირებული - ნათქვამია თი-ბი-სი კაპიტალის 29 ოქტომრბის კვლევაში.

შემოსავლების სამსახურის მონაცემებით სექტემბერში ხელფასი წლიურად 2%-ით ნაკლებმა დაქირავებით დასაქმებულმა მიიღო, რაც წინა თვესთან შედარებით გაუარესებაა.

სექტემბერში დასაქმების მაჩვენებლის ვარდნა დაბალანაზღაურებად სეგმენტში  (1200 ლარი) კლებით არია განპირობებული - ამ სეგმენტში 2019 წლის სექტემბერთან შედარებით, 36 442 ადამიანით ნაკლებს ჩაერიცხა ხელფასი.

საშუალო და მაღალ საშემოსავლო კატეგორიებში დასაქმებულთა რაოდენობა გასულ წელთან შედარებით გაზრდილია.