თბილისი (GBC) - ეტალონური მარკების ნავთობის ფასი მსოფლიო ბირჟებზე მცირდება და „შავმა ოქრომ“ სავაჭრო კვირა, შესაძლოა, მინუსში დახუროს.

Bloomberg–ის ანალიტიკოსების აზრით, ინვესტორების ოპტიმიზმს, უახლოეს დროში აშშ–ის ეკონომიკის მასტიმულირებელი ღონისძიებების პაკეტის შესაძლო შეთანხმებასთან დაკავშირებით, მსოფლიოში კორონავირუსის ახალი ტალღის გამო ნედლეულზე მოთხოვნის შემცირების მოლოდინი ანეიტრალებს.

Brent–ის მარკის ნავთობის დეკემბრის ფიუჩერსების ფასი პარასკევს დილით 0,35%–ით შემცირდა და ბარელზე $42,31–ს შეადგენდა. ხუთშაბათის ვაჭრობაზე ეს კონტრაქტები 1,8%–ით გაიზარდა.

WTI–ს ფასი, დეკემბერში მიწოდების პირობით, ნიუ–იორკის სასაქონლო ბირჟაზე 0,44%–ით არის შემცირებული და ბარელი მსუბუქი ნავთობი $40,46 ღირს. ხუთშაბათს მისი ფასი 1,5%–ით გაიზარდა.