თბილისი (GBC) - „ბოლო წლების მანძილზე დმანისის მუნიციპალიტეტში SOCAR-მა 295 კმ.  გაზსადენები ააშენა, რომლებითაც გაზს სოფლების მოსახლეობა იღებს. სულ გაზიფიცირებულია 7 029 აბონენტი“ - განაცხადა SOCAR-ის პრეზიდენტმა როვნაგ აბდულაევმა დმანისის მუნიციპალიტეტის სოფელ ირგანჩაიში გაზის მიწოდების დაწყების ცერემონიის დროს.

მისი თქმით, კომპანია რეგიონების გაზიფიცირებას კვლავაც აგრძელებს - 2020 წლის გეგმის თანახმად, ამჟამად შენდება 12,3 -კილომეტრის მილსადენები, და შედეგად გაზს 242 აბობენტი მიიღებს.

„სადღეისოდ დმანისის მუნიციპალიტეტის გაზიფიცირება 83,1%-ს შეადგენს“ - განაცხადა აბდულაევმა.

მისი თქმით, დმანისის გარდა სხვა მუნიციპალიტეტებშიც გრძელდება გაზიფიცირების სამუშაოები - მთლიანობაში 2020 წლის SOCAR საქართველოში 15 დასახლებული პუნქტის გაზიფიცირებას და 129 კვ. ჯამური სიგრძის გაზსადენების აშენებას აპირებს - მათ შორის 13 ქვემო ქართლში, 2 - მცხეთა-თიანეთში.

სამუშაოების დასრულების შემდეგ საქართველოში გაზის მომხმარებელთა რაოდენონა 2 483-ით გაიზრდება.