თბილისი (GBC) - ნავთობი პარასკევს, დილის ვაჭრობებზე თითქმის 1%–ს კარგავს ბაზარზე მოთხოვნის შემცირების ფონზე ჩარბი მიწოდების მოლოდინების გამო.

თბილისის დროით 10:00 საათისთვის Brent-ის მარკის ნავთობის დეკემბრის ფიუჩერსები 0,88%–ით არის გაიაფებული და ბარელზე $42,8–ს შეადგენს.

ამერიკული WTI–ს ფასი, ნოემბერში მიწოდების პირობით, 0,83%–ითაა შემცირებული და $40,62 ღირს.

ინვესტორების განწყობებს პარასკევს ბაზარზე ნედლეულის ჭარბი მიწოდების მოლოდინები განაპირობებს. კორონავირუსის გავრთელების ზრდა აშშ–სა და ევროპაში მკვეთრად ამცირებს საწვავზე მოთხოვნას.

ტრეიდერები შიშობენ, რომ OPEC+ ფორმატში არსებული შეთანხმება ნავთობმოპოვების შემცირების შესახებ არსებულ ვითარებაში არ აღმოჩნდება საკმარისი. OPEC+–ის მინისტრთა კომიტეტის მორიგი სხდომა 19 ოქტომბერსაა ჩანიშნული.