თბილისი (GBC) - გრიპის ვაქცინა სრული მოცულობით ქვეყანაში ნოემბრის ბოლომდე არ იქნება. საკოორდინაციო საბჭოს სხდომის შემდეგ, პრემიერის შემდეგ ჯანდაცვის მინისტრმაც ვაქცინის უპრეცედენტო მარაგზე განაცხადა,3-ჯერ მეტზე, ვიდრე წინა წლებში იყო. პირველ რიგში აიცრება რისკჯგუფები. 

ეკატერინე ტიკარაძის ინფორმაციით, covid-ზე, ამ დროისთვის კლინიკებში 2 090 მკურნალობს, 1 090 - covid სასტუმროშია. სულ, მობილიზებულია 4 000 -მდე საწოლი. ქსელში კიდევ  4 კლინიკა ჩაერთვება და 1 200 თავისუფალი საწოლი გაჩნდება.

თუ დაავადებულები საწოლების რაოდენობას გადააჭარბებს, არის სათადარიგო კლინიკებიც, შესაბამისი რესურსით და 10 000 -მდე გაზრდის შესაძლებლობით. თუმცა მინისტრმა  ადამიანურ რესურსზეც გაამახვილა ყურადღება, მაღალკვალიფიციური კადრის საჭიროებაზე. ამიტომ ცდილობენ  ვირუსის შეკავება გადავადებას.